عن الديجيتال ماركتينج نتحدث

في الديجيتال ماركتينج
" قول ومتقولش "
بقلم: إيمان محمد
،،،،،
كلمتين ع السريع

⭕️ لما تسوق لمنتجك أو نشاطك وتحب ترغب الناس فيه، حاول تختار الكلام الصح قدر الإمكان وتنتقي ألفاظك، لأن أقل كلمة لها تأثير إيجابي أو سلبي.
مثال:
✅ قول: "المنتج ده لا غنى عنه"

🚫 ومتقولش: "المنتج ده لا مفر منه"

لأن المعنى الأول محبب للنفس، ويشعر القاريء إن الحاجة دي غالية عليه وميقدرش يعيش من غيرها، بينما المعنى التاني منفر، لأنه بيظهر المنتج كأنه حاجة مفروضة عليه ومرفوضة منه، وبيحاول يهرب منها ومش عارف.

⭕️ لما تكتب مقدمة بوست طويل، سواء ترويجي أو تثقيفي


متقولش في أول سطر فيه "البوست ده طويل شوية" ❌    
أنا شخصيًا لما بقرأ الجملة دي -رغم إني مش بخلي أي معلومة تعدي مني- أول حاجة بعملها إني بتجاوز البوست خالص مهما تكون أهميته! لأنها جملة بتثير في العقل الباطن معنى واحد، وهو "الملل"

✅ ولكن بدًلا من ذلك قل: "البوست ده مفيد جدًا" أو "البوست ده انفجار ف مفاهيمك" أو حتى "مش هتقدر تغمص عينيك" 😄
يعني المهم جمل مشجعة أو مستفزة تثير الفضول.

⭕️ الملاحظات دي قد تبدو بسيطة لكنها مؤثرة جدًا في القاريء أو المتابع، اللي هو عميلك المستهدف المفترض على المدى القريب أو البعيد.

يتبع إن شاء الله.

• اطلب الآن كتابة المحتوى الخاص بك في كل المجالات وبأفضل الأسعار.
• باللغة العربية الفصحى، العامية المصرية، اللهجة السعودية.

أ. إيمان محمد
مهندسة المحتوى
مصممة جرافيك وكاتبة محتوى مستقلة